గత పదేళ్లు ముఖ్యమంత్రిగా పనిచేసిన కెసిఆర్‎కు ఇప్పుడు ఉండడానికి ఇల్లు ఇబ్బందిగా మారింది. కింగ్ ప్యాలస్ లాంటి ప్రగతిభవన్లో నివాసమున్న ఆయన ఇప్పుడు నందినగర్ లోని పాత ఇంట్లో సర్దుకుంటున్నారు. 2014 ఉద్యమకాలంలో ఆ ఇంటి నుంచి ఎన్నికల్లో పోరాడి మొదటి ముఖ్యమంత్రిగా ప్రమాణ స్వీకారం చేశారు. ఇప్పుడున్న రాజకీయ పరిస్థితుల్లో అది ఇరుకుగానే ఉంది. రోజు వచ్చి పోయే వాహనాలు, పార్టీ నేతలు, కార్యకర్తలతో బంజరాహిల్స్‎లోని ఆయననుండే నంది నగర్ కాలనీ మొత్తం ట్రాఫిక్ జామ్ అవుతుంది.

గత పదేళ్లు ముఖ్యమంత్రిగా పనిచేసిన కెసిఆర్‎కు ఇప్పుడు ఉండడానికి ఇల్లు ఇబ్బందిగా మారింది. కింగ్ ప్యాలస్ లాంటి ప్రగతిభవన్లో నివాసమున్న ఆయన ఇప్పుడు నందినగర్ లోని పాత ఇంట్లో సర్దుకుంటున్నారు. 2014 ఉద్యమకాలంలో ఆ ఇంటి నుంచి ఎన్నికల్లో పోరాడి మొదటి ముఖ్యమంత్రిగా ప్రమాణ స్వీకారం చేశారు. ఇప్పుడున్న రాజకీయ పరిస్థితుల్లో అది ఇరుకుగానే ఉంది. రోజు వచ్చి పోయే వాహనాలు, పార్టీ నేతలు, కార్యకర్తలతో బంజరాహిల్స్‎లోని ఆయననుండే నంది నగర్ కాలనీ మొత్తం ట్రాఫిక్ జామ్ అవుతుంది. ఇప్పటికే కొంతమంది కాలనీవాసులు దీనిపై కేటీఆర్‎కు ఫిర్యాదు కూడా చేశారట. దీంతో ఆ ఇంటిని పెద్దది చేయడం లేదా వేరేచోట ఇంకో పెద్ద ఇల్లు నిర్మించుకోవడం లాంటి ప్రయత్నాలు చేస్తున్నారు. కానీ కెసిఆర్ మాత్రం అచ్చొచ్చిన ఆ సెంటిమెంట్ ఇల్లును వదులుకోవడానికి ఇష్టపడలేదు.

దీంతో నందినగర్‎లో ఉన్న కేసీఆర్ ఇంటికి ఆనుకునే పక్కనే అమ్మకానికి ఉన్న ఓ ఇంటిని కొనేశారు. ఇప్పుడు ఆ రెండిళ్లను కలిపి ఒకే పెద్ద నివాసంగా నిర్మించాలని భావిస్తున్నారు. అయితే ఆ లోపు తత్కాలికంగా కేసీఆర్ ఒకటి రెండేళ్ల పాటు మరోచోట నివాసం ఉండాల్సి ఉంటుంది. ఇందుకోసం ప్రధాన ప్రతిపక్ష నేతగా ప్రోటోకాల్ ప్రకారం క్యాబినెట్ హోదా ఉంటుంది. ఇందులో భాగంగా ఆయనకు ఒక క్వార్టర్స్‎ని కూడా కేటాయించవచ్చు. గతంలో ప్రగతిభవన్లో ఉన్న కేసీఆర్ ఇప్పుడు ఆ ఎదురుగా ఉన్న కుందన్‎బాగ్ గవర్నమెంట్ క్వార్టర్ కి షిఫ్ట్ అవ్వాలని భావిస్తున్నారు. రెండు రోజుల క్రితం కుందన్‎బాగ్‎లో ఉన్న నాలుగు క్వార్టర్స్ ని ఆయన పరిశీలించారు. గతంలో మంత్రిగా ఉన్నప్పుడు జానారెడ్డి నివాసమున్న ఒక క్వార్టర్‎ని, స్పీకర్స్‎కి కేటాయించి మరొక క్వార్టర్స్‎ని కూడా ఆయన పరిశీలించారు. వచ్చిపోయే కార్యకర్తలతో ఇబ్బందులు లేకుండా ఉండేలాగా , చిన్న చిన్న సమావేశాలు పెట్టుకునేందుకు వీలు ఉండేలా ఆయన ఇల్లు చూసుకుంటున్నారు. పార్లమెంట్ ఎన్నికల తర్వాత ఆయన కుందన్‎బాగ్‎లో ఉన్న క్వార్టర్స్‎కి షిఫ్ట్ అయ్యే అవకాశం కనిపిస్తుంది.