ఈక్వెడార్‌ నూతన అధ్యక్షుడిగా యువ వ్యాపారవేత్త 35 ఏళ్ల డేనియెల్‌ నొబోవా ఎన్నికయ్యారు. మధ్యంతర ఎన్నికల్లో ఆయన వామపక్ష ప్రత్యర్థి గొంజాలెజ్‌పై విజయం సాధించారు. ఆదివారం వెల్లడించిన ఫలితాల్లో నొబోవాకు 52%, గొంజాలెజ్‌కు 42% ఓట్లు లభించాయి. నొబోవా తండ్రి అల్వారో నొబోవా ఈక్వెడార్‌లోనే అత్యంత సంపన్నుడు. ఆయన 5 సార్లు దేశాధ్యక్ష పదవికి పోటీ చేసి పరాజయం పాలయ్యారు. తండ్రి సాధించలేనిది ఇప్పుడు కుమారుడు సాధించారు. అంతేకాదు.. 35 ఏళ్ల డేనియల్‌.. ఈక్వెడార్‌ అధ్యక్ష పీఠాన్ని అధిరోహించనున్న అత్యంత పిన్నవయస్కుడిగా కూడా రికార్డు సృష్టించనున్నారు. అవినీతి ఆరోపణలతో పూర్వ అధ్యక్షుడు గిలెర్మో లాస్సో పార్లమెంటును అర్థంతరంగా రద్దుచేయడంతో ఈ మధ్యంతర ఎన్నికలు జరిగాయి