నిర్మల్ జిల్లా ;తెలంగాణ రాష్ట్ర సాంఘిక, సంక్షేమ శాఖ గురుకుల బాలికల విద్యాలయాల జోనల్ స్థాయి క్రీడా పోటీలు ఘనంగా జరిగాయి. నిర్మల్ జిల్లా సోన్ మండల పరిధిలోని ఎడమ పోచంపాడు గురుకుల విద్యాలయంలో శుక్రవారం ఈ టోర్నీ జరిగింది. నిర్మల్, ఆదిలాబాద్, నిజామాబాద్, జగిత్యాల జిల్లాల్లోని పద్నాలుగు పాఠశాలలకు చెందిన క్రీడాకారులు ఉన్నారు. అండర్-14, 17-19 వయస్సుల వారికి వివిధ క్రీడాంశాల్లో పోటీలు నిర్వహించారు. ఈ కార్యక్రమంలో తహసీల్దార్ శివరాజ్, విద్యాలయ రీజినల్ కోఆర్డినేటర్ అలివేలు, విద్యాలయ ప్రిన్సిపాల్ సరస్వతి, క్రీడా కోఆర్డినేటర్లు నీరజ, జయశీల తదితరులు పాల్గొన్నారు.