భువనగిరి: డిసిపి ఎం. రాజేష్‌చంద్ర మాట్లాడుతూ, రాజ్యాంగం హామీ ఇచ్చిన ఓటు హక్కును నిస్సంకోచంగా వినియోగించుకోవాలి. గురువారం భువనగిరి పట్టణంలోని హైదరాబాద్‌ చౌరస్తా నుంచి జంఖానగూడెం వరకు రాష్ట్ర పోలీసు, కేంద్ర బలగాలు ఓటు హక్కు సాధన, ఎన్నికల నియమావళి అవగాహన కార్యక్రమంలో భాగంగా కవాతు నిర్వహించారు. ఈ సందర్భంగా ఏర్పాటు చేసిన అవగాహన కార్యక్రమంలో భువనగిరి నియోజకవర్గం డీసీపీ రాజేష్‌చంద్ర, ఏఆర్‌ అమరేందర్‌, డివిజన్‌ ​​నోడల్‌ అధికారి ఏసీపీ వెంకటరెడ్డి పాల్గొన్నారు. నిబంధనలు, ఓటరు అవగాహన, అవగాహన పెంపొందించే బోర్డులు, బ్యానర్లు ఏర్పాటు చేశారు. ఎన్నికల చట్టాలను ఉల్లంఘించి ప్రచారాలు నిర్వహించి ఓటర్లను ప్రలోభపెట్టిన రాజకీయ పార్టీలు, వ్యక్తులపై సివికల్ యాప్, టోల్ ఫ్రీ నంబర్ 1950 ద్వారా ఫిర్యాదు చేయవచ్చని ఆయన పేర్కొన్నారు.ఎన్నికల నియమావళిపై ఫిర్యాదు చేసిన వారి వివరాలు ఎక్కడ కూడా బయటకు రావని, గోప్యంగా ఉంటాయని డీసీపీ వివరించారు. కార్యక్రమంలో అదనపు డీసీపీ రవికుమార్‌, ఎక్సైజ్‌ సూపరింటెండెంట్‌ నవీన్‌కుమార్‌, సీఐలు సుధీర్‌కృష్ణ, సత్యనారాయణ, నాగిరెడ్డి పాల్గొన్నారు.