హైదరాబాద్:హైదరాబాద్ జిల్లా ఎన్నికల అధికారి, జీహెచ్‌ఎంసీ కమిషనర్‌ రోనాల్‌డ్రాస్‌ చిన్నపాటి పొరపాటు వల్ల ఓటు వేసే అవకాశాన్ని కోల్పోకుండా ఉండేందుకు సలహాలు ఇచ్చారు. శుక్రవారం విడుదల చేసిన ఒక ప్రకటనలో, ఓటర్లు తమ గుర్తింపు కార్డు మరియు ఎన్నికల సిబ్బంది ఇచ్చిన ఓటరు స్లిప్ రెండింటినీ కలిగి ఉండాలని ఆయన పేర్కొన్నారు. భారత ఎన్నికల సంఘం ఆమోదించిన పన్నెండు రకాల గుర్తింపు కార్డులలో ఒకదానిని తప్పనిసరిగా తీసుకెళ్లాలని స్పష్టం చేశారు. తమ పేరు, ఫొటో, ఓటరు జాబితాను సరిపోల్చడం ద్వారా ఓటు వేయవచ్చని సూచించారు. ఓటరు జాబితాలో మీ పేరు కనిపిస్తే గుర్తింపు కార్డుతో ఓటు వేసేందుకు అనుమతి ఉంటుందని అధికారులు తెలిపారు.

 ఏదైనా ఒకటి:

1.ఆధార్‌కార్డు, 2.మహాత్మా గాంధీ గ్రామీణ ఉపాధి హామీ పథకం, 3.కార్మిక శాఖ జారీ చేసిన ఆరోగ్య బీమా స్మార్ట్‌కార్డు, 4.ఆర్‌జీఐ జారీ చేసిన స్మార్ట్‌కార్డు, 5.ఫించను మంజూరు పత్రం, 6.పాన్‌కార్డు,  7.డ్రైవింగ్‌ లైసెన్సు, 8.ఫొటో ఉన్న ప్రభుత్వ, ప్రభుత్వ రంగ సంస్థల, లిమిటెడ్‌ కంపీనల ఉద్యోగి గుర్తింపుకార్డు, 9.ఎమ్మెల్యే, ఎంపీ, ఎమ్మెల్సీలకు జారీ చేసే గుర్తింపుకార్డు, 10.భారతీయ పాస్‌పోర్టు, 11.ఫొటో ఉన్న పోస్టాఫీసు, బ్యాంకు పాసు పుస్తకం, 12.దివ్యాంగుల గుర్తింపు కార్డు.