నస్పూర్‌;వారు మంచి స్నేహితులు. చదువుకోవడానికి, సరదాగా గడపడానికి ఎక్కడికైనా వెళ్లేవారు. వారిలో ఒకరు ఇటీవల పెళ్లి చేసుకున్న భార్యతో  ఏర్పడిన మనస్పర్థలతో ఆత్మహత్య చేసుకున్నాడు.  అది చూసి మిత్రుడు గోదావరి నదిలో దూకగా… రెండు రోజుల తర్వాత, అతను చనిపోయినట్లు గుర్తించారు. చనిపోయిన తర్వాత కూడా ఆ వ్యక్తుల మధ్య స్నేహం చెక్కుచెదరలేదు. శ్రీరాంపూర్‌ పోలీస్‌ స్టేషన్‌ పరిధిలో ఈ దురదృష్టకర ఘటన చోటుచేసుకుంది.ఈఎస్‌ఐ రాజేష్ తెలిపిన వివరాల ప్రకారం శ్రీరాంపూర్ ఆర్‌కే-8 కాలనీకి చెందిన విశ్రాంత సింగరేణిలో మల్లయ్య-భూమక్క దంపతుల కుమారుడు సందినేని మోహన్ (30) అదే కాలనీకి చెందిన అఖిల్‌కు మిత్రుడు.  ఏ పనైనా కలిసే చేసేవారు. ఒకరిని విడిచి ఒకరు ఉండేవారు కాదు. అఖిల్‌కు నాలుగు నెలల క్రితం మంచిర్యాలకు చెందిన ఓ మహిళతో వివాహమైంది. అఖిల్‌కు పెళ్లైనా స్నేహితులు ఇద్దరు కలిసిమెలిసి ఉండటం భార్య,  ఈ విషయమై భార్యాభర్తల మధ్య తరచూ గొడవలు జరిగేవి.దీంతో అఖిల్‌ తన స్నేహితుడిని భార్య దూరం చేస్తుందని మనస్తాపానికి గురయ్యాడు.సోమవారం సాయంత్రం ఇంట్లో ఎవరూ లేని సమయంలో ఉరివేసుకుని ఆత్మహత్య చేసుకున్నాడు. స్నేహితుడు మృతి చెందడంతో మోహన్‌ సోమవారం గోదావరి నదిలో దూకి ఆత్మహత్యకు పాల్పడ్డాడు.అదృశ్యంపై శ్రీరాంపూర్ పోలీసులకు ఫిర్యాదు చేశారు. మోహన్ ద్విచక్ర వాహనం గోదావరి నదికి సమీపంలోకి రాగానే మొబైల్ ఫోన్ సిగ్నల్ లేకపోవడంతో శ్రీరాంపూర్ సీఐ రమేష్ బాబు, ఎస్సై రాజేష్ సంఘటనా స్థలానికి చేరుకుని గజ ఈతగాళ్లతో గాలింపు చర్యలు చేపట్టారు. మోహన్ సోమవారం రాత్రి గోదావరి నదిలో దూకగా, గురువారం మృతదేహం లభ్యమైంది. ఇద్దరు స్నేహితుల మరణం శ్రీరాంపూర్‌లో విషాదఛాయలు అలుముకున్నాయి.