బయటి ప్రపంచానికి అంతగా తెలియని మన హైద‌రాబాదీ రియల్ హీరో సయ్యద్ అబ్దుల్ రహీమ్ జీవిత చరిత్రతో రూపొందించిన చిత్రం‘మైదాన్’. అజయ్ దేవగన్ లీడ్ క్యార‌క్ట‌ర్‌ పోషించారు.ఇప్ప‌టికే విడుద‌ల చేసిన ట్రైల‌ర్‌కు దేశ‌వ్యాస్తంగా మంచి స్పంద‌న వ‌స్తోంది.

యథార్థ ఘటనల ఆధారంగా ఈ ‘మైదాన్’ సినిమాను ‘బదాయి హో’ ఫేమ్ అమిత్ రవీందర్నాథ్ శర్మ తెరకెక్కించగా, ప్రియమణి , గజరాజ్ రావు, ప్రసిద్ధ బెంగాలీ నటుడు రుద్రనీల్ ఘోష్ నటించారు. మైదాన్ ట్రైలర్‌ను గురువారం నాడు రిలీజ్ చేశారు. సయ్యద్ అబ్దుల్ రహీమ్ అద్భుతమైన ప్రయాణాన్ని తెరపై అంతే అద్భుతంగా చూపించారు. అబ్దుల్ రహీమ్ అద్భుతమైన ప్రయాణాన్ని, ఫుట్ బాల్ ఆటను I MAX లోనూ చూసేవిధంగా తెర‌కెక్కించ‌డం విశేషం.

జీ స్టూడియోస్, బోనీ కపూర్, అరుణవ జాయ్ సేన్‌గుప్తా (Arunava Joy Sengupta), ఆకాష్ చావ్లా సంయుక్తంగా ఈ చిత్రాన్ని నిర్మించగా, సాయివిన్ క్వాడ్రాస్, రితేష్ షాలు స్క్రీన్‌ప్లే, డైలాగ్‌లను అందించారు. ఏఆర్ రెహమాన్ (A.R.Rahman) సంగీతం, మనోజ్ ముంతాషిర్ శుక్లా సాహిత్యం అందజేశారు. ఈ చిత్రాన్ని ప్రపంచవ్యాప్తంగా ఈ ఏడాది రంజాన్ పండుగ నాడు థియేటర్లలో విడుదల చేయనున్నారు.