భారాస అధినేత, సీఎం కేసీఆర్‌ ప్రయాణిస్తున్న హెలికాప్టర్‌లో సాంకేతిక సమస్య తలెత్తింది. దేవరకద్రలో ఎన్నికల ప్రచారానికి వెళ్తుండగా సాంకేతిక సమస్యను పైలట్‌ గుర్తించి అప్రమత్తమయ్యారు. వెంటనే హెలికాప్టర్‌ను తిరిగి వెనక్కి మళ్లించి ఎర్రవల్లిలోని కేసీఆర్‌ వ్యవసాయ క్షేత్రంలో ల్యాండింగ్‌ చేశారు. మరోవైపు ఏవియేషన్‌ సంస్థ ప్రత్యామ్నాయ హెలికాప్టర్‌ను ఏర్పాటు చేస్తోంది. ఆ హెలికాప్టర్‌ రాగానే సీఎం పర్యటన యథావిథిగా కొనసాగనుంది.