కరీమాబాద్‌ ;రాష్ట్రంలో ఎన్నికల కోడ్ అమలులో ఉందని, నరకాసుర వధ  ఉత్సవం దీపావళి రోజున నిబంధనల ప్రకారం నిర్వహించాలని కలెక్టర్ ప్రవీణ్య తెలిపారు. గత ఏడాది కరీమాబాద్‌ రంగలీల మైదానంలో జరిగిన నరకాసుర వధ ఉత్సవ్‌లో రోడ్లు వేయడం, బారికేడ్‌లు, మైక్రోఫోన్‌ ఏర్పాటు, కుర్చీలు, టెంట్లు, పారిశుద్ధ్యం, తాగునీరు తదితర కార్యక్రమాలకు వరంగల్‌ కార్పొరేషన్‌ నిధులు మంజూరు చేసింది. ఈ వివరాలను నరకాసుర వధ ఉత్సవ కమిటీ ప్రతినిధులు గురువారం కలెక్టర్‌తో కలిసి వెల్లడించారు. కార్యక్రమంలో కమిటీ అధ్యక్షుడు మరుపల్లి రవితోపాటు కంకుంట్ల రవి, రామ్‌మూర్తి, వనం కుమార్, గౌతమ్, శ్యామ్, సురేష్, కుమారస్వామి, కొమురెల్లి, సాంబశివరావు, నరసింహ, కొమ్మురాజు ఉన్నారు.