ఇండస్ట్రీలో భారీ ఫ్యాన్‌ ఫాలోయింగ్‌ ఉన్న నటుల్లో సూపర్‌స్టార్‌ రజనీకాంత్‌ (Rajinikanth) ముందు వరుసలో ఉంటారు. అలాగే తన అభిమానులను ఆయన ఎంతగా ఆదరిస్తారో కూడా తెలిసిందే. తాజాగా రజనీకాంత్‌కు సంబంధించిన ఓ వీడియో సోషల్‌ మీడియాలో సందడి చేస్తోంది.

ప్రస్తుతం రజనీకాంత్‌ తన 170వ (Thalaivar 170) చిత్రంలో నటిస్తున్నారు. దీని షూటింగ్‌ కేరళలోని తిరువనంతపురంలో తాజాగా ప్రారంభమైంది. ఆ చిత్రీకరణలో రజనీకాంత్ పాల్గొంటున్నారని తెలిసిన అభిమానులు వందలమంది లొకేషన్‌కు చేరుకున్నారు. దీంతో ఆయన వాళ్లందరికీ కనిపించి అభివాదం చేశారు. ఫ్యాన్స్‌ ‘తలైవా’ అంటూ కేకలు పెట్టారు. ప్రస్తుతం ఈ వీడియో నెటిజన్లను ఆకట్టుకుంటోంది. ఇక ఇందులో రజనీకాంత్‌ న్యూ లుక్‌లో కనిపించారు. ఏడు పదుల వయసులోనూ యంగ్ హీరోలతో పోటీపడుతున్నారని కామెంట్స్‌ వినిపిస్తున్నాయి. టి.జి.జ్ఞానవేల్‌ దర్శకత్వం వహిస్తోన్న ఈ చిత్రం  సామాజిక సందేశంతో కూడిన భారీ ఎంటర్‌టైన్‌మెంట్‌గా రానుంది.